دائرةالمعارف شهر تبريز

www.tabrizinfo.com

 

 

 

 

 

 

      نام و نام خانوادگی:

حميد داديزاده تبريزی

      سال ومحل تولد:

1327 شمسی تبريز

      محل سکونت فعلی:

کانادا

      عرصه فعاليت:

زبانشاسی

      امکان ارتباط:

hamid.d@shaw.ca

 

 

 

 

 

.

 سئچیلمیش اثرلر

حورمتلی اوخوجولاریما سلام،

اینسان بیر درین و سونسوز عمان کیمیدیر.مرواریدلر و زنگین اینجیلر عمانین درینلیکلرینده اولان کیمی، اینساندا او گوهرلره چاتماق اوچون اوز درینلیینه یول چکمه سی لازیمدیر، تا اوز عمان کیمی دالغالانان وجودوندا او اینجیلره و مرواریدلره ال تاپسین. بوردا سفر لازیمدیر، یولا دوشوب چالا چوققورلاردان کئچمک لازیمدیر. اینجیلری الده ائتمک اوچون، ئولمز فضولی دئمیشکن، "معرفت بحرینده غواص اولماق لازیمدیر. بو  یولون کروانچیلارینا آنا سودی ایله تاپشیریلان آنا دیلی بیر ده یرلی و غنی ظرف حساب اولونور. آنا دیلی اینسانی اینسان کیمی و بیر بئللی باشلی  جمعیت و انتیتی کیمی دونیایه  تانیتدیریر و مدنیت کروانین سونسوز افقلره چاتدیریر. ائله اونا گوره دونیا مدنیت تاریخچیلری، ویل دورانت کیمی یازارلار، بشریتین مدنیت گنجینه لرین بوتون کولتورلر و دیللرین اورتاق و مشترک محصولی آدلاندیریر.

اینساندا اولان گوهرلر و اینجیلر اینسانین  آنا دیلیندن قاینایر و بیر جوشقون بولاغ کیمی داشیب و اینسانین وارلیقیندان خبر وئریر. بو کیتابدا دیل حقینده بیر سیرا یازیلار  توپلانیبدیر. دئمک بیزیم تورکی دیلیمیز بو مدنیت کروانیندا ئوز یئرین تاپیب و ئوز ایزین بوراخمالیدیر. آنا دیلی او قدر درین و او قدر ده یرلیدیر کی بیر سیرا تدقیقاتچیلار آنا دیلین بیر ایلاهی میراث کیمی آدلاندیریب و میللتلرین وارلیقین، بو آیکانلا، تاریخین سندلرینده قید ائدیللر.

آنا دیلی  بیر آخار چای کیمیدیر. اینسانین درین درین حیسلرین، دوشونجه لرین و هنری یارادیجیلیقلارین یازیلی و یا شفاهی  فورمادا بیان ائدیر، کاغاذ اوسته گئتیریر و بیر مدنیتین تاریخین و کیملیکین  بیر قالیجی شکلیده دونیایه تقدیم ائدیر. کیمدیر بو گون حیدر بابایه سلام منظومه سین  واراقلاسین و بیر میللتین نیسکیللرین  اوندا گورمه سین. بو کیتابدا بیر سیرا آکادمیک یازیلار آنا دیلی نین اینکیشافی حقینده سیز حورمتلی اوخوجولارا تقدیم اولونور. نظرلرینیزی چوخ مینتدارلیقلا قارشیلیرام.

                                                                                                                      حميد داديزاده

 

برگشت به بيوگرافی