دائرةالمعارف شهر تبريز

www.tabrizinfo.com

 

 

 

 

 

 

      نام و نام خانوادگی:

حميد داديزاده تبريزی

      سال ومحل تولد:

1327 شمسی تبريز

      محل سکونت فعلی:

کانادا

      عرصه فعاليت:

زبانشاسی

      امکان ارتباط:

hamid.d@shaw.ca

 

 

 

 

 

 

بو دونیا بیر گوزگودور٬ هر گلن باخار گئدر


ایله بیر دوننی دیر. فیکیر ائدنده آدامین باشیندان آز قالیر توستو چیخسین.هر گون گوزومون ئونونده دیر. اینانا بیلمیرم او بیزیم آزامیزدن گئدسین- هله اوجا سسی قولاغیودادیر،کهلیک بولاغیندا گوردوم. یادیمدا دیر کی هر زامان داغدا بولاغدان سو گتیرماغا اوزو گئدردی. ایندی او دونیاسین دئیشیب، اما اونون تمیز روحو بوردادیر. آی وفاسیز دونیا و « یالان دونیا». کیملر واریدیر، هانسی اینسانلار بو یوللاردا گلیب گئد یردی. ایندی اونلاردان بیر خاطیره یالنیز قالیب.اونون آدین من مش سن (مشهدی حسن) قویموشدوم. مشهدی عمو اوغلودا من سسلر دیم. تبریز شهرینده معلیمیدی- رحمتلیق آتاسی دا تنیکه چی ا یدی. محله ده اونا پیش بوخاریچی اوستا دا دییردیلر.اونون توکانی تبریزده بارناوا محله سیندیدی. آقا قهوه سینین چینینده. هر کس اونون توکانینا کلردی، ایشین یئر به یئر ائدردی، چوخ پولا بازلیقی یوخودور. اوغلودا ایاقین ایگیت آتاسینین یئرینه قویموشدی- اهراب، ذیقلار، ملا علی اکبر دونگه بوروخلاریندا معروفیدی- تبریزین سویون ایچیب، اوردا بوی آتیب، درس اوخویوب، یونیورسیته یه گئدمیشدی- اوز آنادان ویریلمیش آدی عادل اولموشدی. داغلارین عاشیقیدی. او ایگیت آذربایجان اوغلو اوز دوغما توپراقینا عاشقیدی. بیر اسکی چرخیده واریدی، اوندان هر یئره فیکریوه گلسه، گئدردوخ. مش سنه سورالار معروف اولدو و آدی دیللره دوشدو. تبریزین داغچیلاری اونو اوزلرینه بیر عزیز دوست بیلردیلر. مش سنده اوز کولاسیندا هر زامان پنیر چورکی اولاردی. یایدا دا حیاتلارینین الچه لرین گتیریب، هامینن پایلاشاردی. اونون محصیللری اونا بیر یاخین دوست ، بیر دایاق اونو گورردیلر. اونون بیر سوزی واریدی هر زامان دیلینده ازبریدی:
دولان داغ داشلاری مش سن __ قوی سنی دیوانه بیلسینلر.
سورالار اونون بوسوزی دیللره دوشوب، داغچیلارین آغزیندان دوشمزدی. عادل بیر درین و اینسانی اثر تیریز مدرسه لرینده بوراخدی. قولدور شاهین دورونه کی آذربایجان تعلیمات یئرلرینده= میلتین اوز آنا دیلی، ترکی دانیشماق ممنوع اولوموشدی، عادل یاواش یاواش ترکی درس وئریردی. بیر گون چوخ سوینجله منه اوز توتوب، دئدی: آی حمید دا داش، من فیزیکی ترکی درس دیینده، محصیللر چوخ تئز و آسان دوشونوللر، منه ده هاساند اولور.

مش سن تیریز ده فیزیک معلیمیدی- ریاضیدا یاخشی بیلردی. گونلر هفته لر ایلان اوچان دره سینده و آیری آیری یئرلرده درس اوخویان یوخسول اوشاخلارا یاریم ائده ردی. اونون بیر بویوک اوره گی و گئنیش دوزومو واریدی- آز هیرسله نیردی . من او اوزون ایللرده اونو عصبانیت حالیندا گورمزدیم- هر کسده اوندان تشککر ائدیب یا اونو تعریف ائتسیدی، او سول الین آنلینا چکیب، سمبولیک حالیندا اوتانماق تئرین سیلردی- مش سن ایش آدامیدی.. چوخ آز دانیشاردی، اما چوخ چالیشاردی. اینسانلارا خدمت اونون ایشیدی. افسوس کی اونو او زامان دوشونن اولمادی. یالنیز اونون شاگردلری، محصیللری و داغچی یولداشلاری اونون بویوک اینسانی مقامینی درک ائدیردی.

مش عمواوغلی شاه دورونون بیرو بیرو واقتینده ساده، اینسانی و علمی دوشونجه لریله اوز آدین آذربایجان ضیالیلارینین آراسیندا ابدی ائتدی- اونون سویملی کاراکتری،اینسانی خصلتلری، ساده لیگی و گئنیش سینه سی آذربایجان ائتنوگرافیسیندا بیر نیشانه دیر. او شرفلی اینسانین چالیشماسی، زحمتکشلیگی، هر بیر زامان اونون دوستلارینین اوره گینده یاشایاجاقدیر. عمواوغلو عادل بیزینن یاشیور، اونون آمال و آرزیلاری بیر کوتله نین ایستکلریدیر. بو محبتلی معلم میشو داغیندا ایللر بویو گزدی، دولاندی، عمرونون سون گونلریده بو داغین اتکینده قورشونا راست گلدی. اونون اولومو میشو داغینین اتکلرینده بیرسیر کیمی اولدو.
عادیلین درس دئمک متودی، آنا دیلینده پروبلملاری ایضاح ائتمه سی، اونون موفق پداگوژی تجربه لری بیر دگرلی گوهردیر. اونون شاگردلری دونه _ دونه اوستادین متودوندان تعریف ائد یب و اونون اثرلرین عمل میدانیندا ثبوت ائتمیشدیلر. پهلوی رژیمینین دیکتاتورلوقونا باخمیاراق، بو گوزل معلم دوزگون تدریس متود و اینسانی معلم _شاگرد ایلگیسیله اوزوندن بیر یونیک و قالیجی ایز بوراخدی .

 

 

برگشت به بيوگرافی