دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

 

               دینازورلار  کیچیلمیش

نه د ن بئله کیچیلمیشلر
بیر زامانلار
یئر اوزونه حوکوم سوره ن دینازورلار
نه د ن انسان اوغلو کیمی گئینمیشلر
او یئرتیجی چیپلاق گزه ن جاناوارلار
هاردان باخسان
انسان کیمی گؤرونورلر
بزه نیرلر  ،دوزه نیرلر
انسانلیغی اؤزه نیرلر
گؤزون سنه گؤردوگونه  بئل باغلاما
یئنی لشن جاناوارلار
انسان کیمی دانیشیرلار
انسانلارا یاناشیرلار
کوسولورلر  ، باریشیرلار
بیر بیرایلن  یاریشیرلار
 
دینازورلار  عاغیل وئریر
اؤیود وئریر
تاهلی پوزلو عنوانلارین آرخاسیندا
انسانلارا  ناغیل دئیر.
گرچک لری گؤرمک اولمور
هیولالار دیشلرینی گیزله دیبلر
یؤ نتملرین  دگیشیبلر
سایسیز ایتی بورنوزلاری
ایری ،  سورتوک  قویروقلاری
مانقوتلاشمیش دولانیرلار آرامیزدا
بئینی باغلی ، گؤزو آچیق
دیلی اوزون فکری قئسیق
هر بیرینین یئترینچه
هر اؤلچوده جایناغی وار
اووسونو  وار ،بارماغی وار .
یئنی لشن دینازورلار
اسگیلر تک شکارینی قووالامیر
آج اولاندا اووون توتوب بودالامیر
کیچیلنده ن ،انسان کیمی گؤرونندن
آرتیق یئمک ایسته میری
دویدو بیلمیر، بسدی بیلمیر
آسدی بیلمیر  ، کسدی بیلمیر
نه وارایسه  اودماق ایستیر
تاپمایاندا  اؤز اؤزونو یئرتماق ایستیر
یئنی لشن هیولالار بیلیرلرکی
هر بیرینین گرچک اوزو گؤرونونجه
وارلیقلاری بیلینینجه
بیر جه آندا الولانیب  کؤز اولاجاق
قارا کولو  توز  اولاجاق
اوندان هر گون مین بیر رنگه بویانیرلار
دگیشیرلر اؤزلرینی
اویدورورلار سؤزلرینی
ایتیریرلر  ایزلرینی
بیر چوخلاری  اینانسادا
بونلاری  انسان  سانسادا
یئنی لشن  د ینازورلار
اؤزلرینده
اؤزلرینه  اینانمیرلار
انسانلیقا  دایانمیرلار

 

 

برگشت به بيوگرافی