دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

 

قارا داغین  " قاراباغ " عاشیقی

 

سحرین سرین یاز سزاغی کردیلرده یئنی آچان  بنفشه لری ، لولفرلری نازلا اوخشاییردی . اوفوقدن بویلانان  گونش قیزیل ساچلارینی  تبریزین  یاراشیقی

 آینالی داغینین آل یاناقینا  سریردی

 گونلوک ایشیم اولاراخ ستارخان خیابانیندا ساعات قاباغینا دوغرو گئدیردیم تربیت آغزیندا  اونودولماز شاعریمیز   استاد شهریارین  ائوینین یاخینلیقیندان  اوتوشرکن دوشونمه دن خیالیمدان  کئچیردی

 

 حیدر بابا  دنیا  یالان    دنیادی

سلیماندان نوحدان قالان دنیادی

دئمه کی اولان اولموشدو  ومن خبر سیز ایدیم.   نئچه نفر  دایانیب دیوارا

یاپیشیلان بیر یازیه گؤز تیکیب کدرلی تومموشدولار. یازی اؤز دیلیمیزده ایدی.

ایری خط ایله باشدا " یاس تؤره نی " وسونرا بو سؤزلر یازیلمیشدی

 

دنیا سن نه غریبه سن  ، سنده

قالمایاندا یازیق  قالاندا یازیق

بعضی آنلار سنین سازین غملی دیر

اونو چالمایاندا یازیق چالاندا یازیق

 

اونودولماز دیرلی عاشیق،  قاراداغلی عبدلعلی نوری دنیاسینی دگیشدی.

بیر عومور ائلینه اوباسینا سازیله سؤزویله سئوگی بسله ین ، گؤزل انسان، سؤزو دوغرو، اؤزو دوغرو ،صفالی قاراداغیمیزین  وفا لی عاشیقی ،   یوردوموزون 

داهی آغیر گؤنلرینده  وارلیقیمیزی  دیلیمیزی و آتابابا موسیقیمیزی  قورویوب

یاشادان، شاهلارا باش ایمه یب  دوستاقلاردا یاتان   اسلانلاریمیزا  چکینمه دن

گؤزه للمه سویله ین ، سون منزلی اولان وطن تورپاغینا  قوووشدو

 

سن یوممادین گؤزون  گؤزه ل

دئدین سؤزون دوزون گؤزه ل

نغمه لرده           یاشاییرسان

اولماساندا    اؤزون   گؤزه ل

 

توپراغا تاپشیرما تؤره نینده ،مزاری یانیندا دایانان تاتانیلمیش و یئنی ساز- سؤز

استادلاری، عبدلعلی نی وورغون اولدوغو ساز هاوالاریله  دفن ائتدیلر.

گرایلی اوخوندو ، کؤنوللرده یانیق کرم چالیندی

 

آدین یاشیر کوچسنده بو دنیادان

ائل دوستونون بیلر قدرین ، قیمتین

اونودولماز ائل قایغیسین چکنلر

ساخلار آنا ائولادینین حؤرمتین

 

عاشیق عبدلعلی جینگیلتیلی سس ایلن  قاراباغ شکسته  سینی اوخویاندا ، دده عاشیق

قشمین سوزلرینی جانلاندیراندا ،نسگیل باغیندا سولان آرزولاریمیزا سو چیله یردی

بو گؤن عزیز یادگاری اولان اوخودوغو هاوالار ،   رحمتلیک سعید سلطانپور ایله

یاراتدیقلاری " آذربایجان بایاتیلاری "  کاستی  تمیز عشقیله دؤیئونن بیر اوره گین

خوش آرزولارلا دولو  بیر کؤنلون آیناسیدیر

آذربایجان سئودالیلارینین  کؤنلونده یئر سالان عاشیق عبدلعلی نورونون خاطره سی

اونودولمازدیر

                                                 بیر بیر

 

                       سینم اوسته     سازیم گلیر       کؤنول دردین دیله بیر بیر

                      مضراب یانیر اودو دوشور      دار اوستونده تئله  بیر بیر

                     کرم اولوب       یانانلاری        اصلینی        دانمایانلاری

                     ائل ایله    وار  اولانلاری        تانیتدیریر ائله      بیر بیر

                     ائل غمینی         بیلنلری         ائل گولنده         گولنلری

                      ائل قایغیسین    چکنلری          چکیر چنلی بئله  بیر بیر

                      ائللریمین دردی   یامان            یانار غمینده     ساوالان

                     غملی غملی  باخار جیران        مغان اوستن میله بیر بیر

                      بیز اولمایان بیزی آنماز          بیزدن اولان بیزی دانماز

                      بیزدن کنار بیزه یانماز           اویمایالیم     فئله   بیربیر

                     یوردوم اوچون کؤنلوم یاشار    سئوگیسیله جوشوب داشار

                     جمیل  اونا  نغمه   قوشار        عاشیق سالار  تئله  بیر بیر

 

                                                                    اسماعیل جمیلی   یای2003  

 

 

برگشت به بيوگرافی