دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

 

 

گل سئوگیلیم ، گل قاداسی ،گل آزادلیق

 

آی آدینین کؤلگه سینده

یاز عطیرلی خیاللاردا

چیچک لنن آرزیلاریم

آی سنسیز لیق  سزاقیندا

خزان اولان  یوزلر یازیم

گل......

 باخیشلاریم  سریلیبدیر   یوللارینا

گله جگیم   تاپشیریق دیر قوللارینا

دوداقلاردان آیریلمازدیر  ایستگین

بوینو بؤکوک تارلالاردیر

نیسان کیمی گلیشینی گؤزله ین

یانان  سئوداندیر شفقده  اریین

وقتسیز آخشاملار

یورقون قوشلار

سنی اونودماسین دئیه

قارانلیق قودورماسین دئیه

 گل سئوگیلیم   دوزلر اؤزلور

جیران جویور باخیشینی

داغلار تانیرسنله آچان

سولماز چیچک  ناخیشینی

وارلیقینی   سالخیم سویود

بولاغ باشی کؤلگه سینده آختاریری

گل

سنلی آچیلان گولوشلر

سنلی پارلایان  باخیشلار

سنلی آلینان اؤپوشلر

یاشایشین  قایناقیدیر

موتلولوغون  قایماقیدیر

اولدوزلارین دورااقیدیر

 

 

آزلیقیندا

آزالمازدیر  ایستگین

یوخلوقوندا

سیلینمزدیر دیلگین

گل قاداسی

کلبکلر بویانسینلار

گل کندیرلر اوتانسینلار

دوستاقلاردان

قیزیل گوللر بویلانسینلار

گل اوشاقلار

بولودلارا  ال  ساللاسین

یئریکله ییر اووج اووج

یاوان تورپاق گؤروشونه

تامارزیدیر  دوداق دوداق

یاساق دیلیم دئییشینه

گل

سئویملی یارینلارا

بیزی گؤتورسون اویاقلیق

گل گول آچسین بو قوراقلیق

گل   اوزونه  حسرت ائلیم

یاز یئلی  وئرسین قوناقلیق

گل 

گل آزادلیق     گل آزادلیق

                                              اسماعیل جمیلی

 

 

 

برگشت به بيوگرافی