دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

صمد

 

صمد

یئنی بیر پنجره

دورو بیر باخیش

اؤزونه اؤزه ل

ساده لیکله سونسوز گؤزل

دورغون سولارا قارقیش

آخار چایلارا

 دنیز سئوداسینا آلقیش

قالاخ قالاخ    یئنی  اسگی

یارامیزلا  تانیش

تورپاغینا باغلی قاریش قاریش

دیلگی چاغداش بیر باریش

صمد

سؤیله دیگی هر ناغیلین قهرمانی

چنلی بئلین کور اوغلوسو

آرازین سلطانی

مغانین یارالی جیرانی

تالانان یوردونون غریب ستارخانی 

ئولکه بویو بیر دردین ایتگین درمانی

گنج ایکن ده ده قورقود نفسیله

پالچیق دخمه اوخوللاردا

یوخسول اوشاقلارین وورغونو حیرانی

اؤیره نیمین، اؤیره تیمین گره کن قانی

روشدیّه سی ،باغچا بانی

صمد

آرازا قوووشاندان یئنیده ن دوغولان

سئوگیله یوغرولان

اولوسیله  یاشایان

 

صمد

اؤز قارا گؤن ائلینه وفا بورجون

مین کره آرتی اؤده ین

ترک ائلینین ائولادینا  عمی اولان

یاراتدیغی هر یئنی بوی

اوشاقلارا  آغیل اولان

قیسا عومرو نیسگیللی بیر ناغیل اولان

صمد

کؤنوللرده اوجالان بیر هیکل

یخیلمایان بیر آبیده

ساوالان دوردوقجا دوران

سهندین اوره گی یاندیقجا  یانان

صمد تک باشینا  یاشانان آذربایجان

 

برگشت به بيوگرافی