دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

 

استاد فرزانه نین 80 ایللیک دوغوم گونو مناسبتینه

 

وفا بورجو

 

باخیشلاردا یاسلاناندا

ایتگین اومود کروانینین نیسگیللری

یالنیز وورغون کونوللرده

اوچوشوردو سئودامیزین  سایالاری

 قارانلیقا چولقایاندا گئجه

قات قات دان یئرینی

یالنیز ایشیق عاشیقلری

پایلاشیردی یانیب قالان اولدوزلارلا

                                              آیدینلیقی

او گونلرده

گون گون اورتا جیزلایاندا

شلاله لر لهله ینده

دیل دوداغی قورویاندا بولودلارین

دوزوملری داغ اولانلار

داغ داغ دردین چمبرینده

بیزه ایری باخانلارا

باش ایمه ییب دایاندیلار

سرین سئوگی کؤلگه سینه سیغینارکن

درینلردن آرزولارین امیزدیریب

 

 

گله جگی یاشادیلار

یاشا تدیلار

تاپدالانان ایستکلری

تالان اولان اومودلاری

نیسگیل اولان سئودالاری

 

 

آغاج اولوب اؤز کؤکونه سؤیکه ننلر

گونش اولوب سال بوزلاری اریدنلر

چیچک اولوب قیشدا یازی یاشادانلار

یاشاتدیلار ده ده قورقود ائولادینی

او اولدوزلار

او چیچکلر

او آغاجلار

عابیده دیر بیره ر بیره ر

قارانلیقدا یاردیقلاری دار کئچیدلر

ایندی آنا یوللار اولوب

میلیون میلیون ایره لیین

دلی قانلی ایگیردلره

سازلی سؤزلو عاشیق لره

 

 بو یوللارین باشی اوجا داغلارینین

داش قایالی سینه سینه

سئوگیمیزین     ائلیمیزین

وفا  بورجو اولسون دئیه

قازیلیبدیر یازیلیبدیر

 

         ائل یولوندا عومور بویو جان قویان

        قوجالمایان  افسانه یه  عشق اولسون

        بایاتی تک وارلیقی   سونسوزلاشان

        اونودولمازفرزانه یه عشق اولسون

                                           

                                             اسماعیل جمیلی

                                             یای2003      

 

 

 

برگشت به بيوگرافی