دائرةالمعارف شهر تبريز

www.tabrizinfo.com

 

 

 

 

 

      نام و نام خانوادگی:

اسماعيل جميلی

      سال ومحل تولد:

1333  تبريز

      محل سکونت فعلی:

امريکا

      عرصه فعاليت:

شعر

     امکان ارتباط:

jamili@infostations.com

 

 

 

 

§§§§§§§§§§§§§§§§§§§§§§§§§§§§§§§§§§§§§§§§§§§§§§§

وارلیغین ایشیغیندا   

                                  پروفوسور هئیت جنابلارینا اتحاف                 

درین دورو باخیشیندا

دولو دولو بیر عوموروار

یاز نفسلی اومودلارلا

گونش دوغان افقلره

آرزو یوکلو یئلکنلری  یوللاندیران.

خان آرازین حسرتیدیر

سورگون قارانقوشلاریلا

قان بویالی شفقلره قاطارلانان

 

سؤیلنمه میش بویلار بویوندا اؤرتولن

آغیر ایللر خزانیندا

ترک ائلینین سازلی سؤزلو گوهرینین

ایکی اوزلو یاد الینده

اوجوزلانماق آغریسیدیر

ناخیش ناخیش ایاقلانان

ایلمک ایلمک اوتانمازجا بودارلانان

ایپک معنا خالیسینین نیسگیلیدیر

 

درین دورو باخیشیندا بوی گؤسترن

سولماز سئوگی باهاریندا

باخیش باخیش بوداغلانان

اؤز اولمانین  اؤزگورلوگون چاغریسیدیر

 

گوروشونون  ایشیغیندا

دوز دؤزوملر دوزلرینین

میلیون میلیون وورغونودور

هاراینا هارای وئرن

اؤزونده اؤزلوگون گؤرن

  

یاساقلانمیش آرزولاریدیر

اومودلارین گؤی قورشاغی بویاسیندا یاشیللانان

آنا وطن اوره گیدیر یئنیلیکلره دویونن

وارلیغیندا وارلیغینا اویونن

 

بو آرینمیش دورو دیلک  اؤلکه سینده

نسیمی لر دونیاسیدیر گؤزه ل لنیر

سؤز صرافی فضولودور غزل لنیر

اولو ده ده قورقودومدور

الده قوتسال قوپوزیله

چنلی بئللی آشیقلارا اؤیود وئریر

شهریاردیر احتشاملی سراییله

سهند دیرپوزولمایان وقاریله

گوموش ساچلی ساحرلرین سایاسیدیر

فرزانه لر اوردوسونون قالاسیدیر

نطقی لرین  کمالیدیر

ایگیت بیلگین بالاسیدیر

دان یئرینه ایره له ییر

 

وارلیغینین ایشیغیندا

وراق وراق وارلیق اولان خزینه دیر زنگینله شیر

اونودولان دوننلردیر بوگونلره  قوووشورو

آیدین اؤزگور یارینلاردیر چیچکله نیر

سوسدورولان سازلاریدیر اوره کله نیر

ساوالانین یاناغیدیر لاله لنیر

 

باخیشینین ایشیغیندا بیر اولوسدور

بئشیک بئشیک باهارلانان

دوغرولارلا یاراقلانان

یالانلارا باش ایمه ین

دؤزن دایانان

دوزومیله  قازانان

 

    درین اوزاق گوروشوندور

ائل سؤزونو سؤز ائیله ین

تاراج اولان  تالان اولان

بودارلانان بیر بیرلری بیز ائیله ین

بو تورپاغین

بو ائللرین

وارلیغینا سارماشیقدیر وارلیغینیز

ائلین سئوگی سارایندا یاراشیقدیر او آدینیز

  

 اول کیمسه کی ائل دردینی چکدی قالان اولدو

کؤنلونده ائلین سونسوزا تک یئر سالان  اولدو     

علمین  هنرین   هیئتی وار    اولدوغو گوندن

اؤزکیملیگیمیز  وارلیغیمیز  وار  اولان اولدو

                   اسماعیل جمیلی

                       سون باهار 2004 ساکرامنتو          

 

برگشت به بيوگرافی